TARAWEH

TARAWEH

+ “Lieur uing mah, di masjid ieu taraweh teh 11 rokaat, dimasjid itu 23 rokaat, di majid sejen aya nu nepi ka 39 rokaat.....”

- “Haaar ari lieurna palebah mana? Eta sakitu jelasna piliheun teh, didinya rek milih nu sabaraha rokaat?”

+ “Ih puguh ngalilieur....... Ari nu benerna sabaraha rokaat?”

- “Ah... kabehana oge bener da aya dasarna......... nu teu bener mah nu teu taraweh..!!.”



LEBARAN

- “Teu baleg pisan nya Ulama Islam Indonesia mah....Teu bisa akur !!... Pamarentahna teu boga wibawa deuih”

+ “Kunaon euy kukulutus teu pugah-puguh?”

- “Atuda keuheul dina kalender ge jentre lebaran teh tanggal 13, tapi can nanaon Muhammadiyah geus ngumumkeun lebarana poe Jumaah tanggal 12. Kuduna mah jiga di Arab Saudi, raja nu netepkeun idul fitri jeung idul adha teh..... rakyat jeung ulama mah nurut we mun geus jadi kaputusan pamarentah mah. Teu guminter jiga didieu...... ngabingungkeun umat!”

+ “Oh kitu!! ari ayeuna maneh puasa..........??”

- “Emhhh....... henteu euy..... loba halangan” tembalna bari balaham belehem

+ ????



Halal Bi Halal (HBH)

- “Adun, engke rek datang ka halal bi halal?”

+ “Ah hoream..... barina oge halal bi halal mah di Arabna ge euweuh didunia mana oge euweuh, di nagara urang we nu sok pahibut halal bi halal teh....”

- “Memang halal bi halal mah produk budaya asli bangsa urang, nu penting dina hbh mah silaturahimna, keur ngaraketkeun duduluran manjangkeun babarayaan ....... Eta teh gede pisan pahalana!”

+ “Ahh.... ngarang we.....ceuk saha eta teh jalu!!”

- “Lain karangan uing... Silaturahim mah parentah Gusti Allah, dina Quran aya dina hadis aya. Ceuk Ajengan mah silaturahim teh manfaatna ngarah panjang umur, nambah rejeki jeung rea-rea deui. Nu megatkeun silaturahmi dilaknat matak jauh tina rahmat Allah.....Kaharti, Dun?"

+ “Kaharti sih tapi angger we geuleuh......Atuda basa halal bi halal taun kamari ge gulena asin teuing....satena liat.....”

- “Haaar... jaka sembung kokoreh imah....teu nyambung maneh mah...!!!”